Pakistanda eks-prezident Müşərrəfin həbsi üçün order verildi

Pakistanın Bəlucistan əyalətinin ali məhkəməsi ölkənin sabiq prezidenti Pərviz Müşərrəfin həbsi üçün order verib.

Ölkə.Az xəbər verir ki, eks-prezident 2006-cı ildə qətlə yetirilmiş milliyətçilərin lideri Buqtinin ölümündə şübhəli bilinir. Cari ilin yanvar ayında Müşərrəf Buqtinin ölümünə görə bəraət almışdı. Amma Buqtinin oğlu Navabzadə Camil işə yenidən baxılması üçün ərizə ilə müraciət edib. iddiaçı nümayəndələri və müdafiə tərəfini dinləyən hakim Müşərrəfin həbsi üçün order verib.

Eyni zamanda məhkəmənin qərarı ilə Müşərrəf təhlükəsizlik məqsədi ilə məhkəməyə gəlib-getmək məsuliyyətindən azad edilib. Məhkəmə müvafiq qurumlardan məhkəmə zamanı sabiq prezidentin təhlükəsizliyini təmin etməyi tələb edib. Bundan başqa, qərar həbs barədə çıxarılan order girov müqabilində azad olma imkanlarını da əks etdirir. Qeyd edək ki, Pakistanın eks-prezidenti Pərviz Müşərrəf hal-hazırda Dubayda yaşayır.

Hikmət
Ölkə.Az