Qalmaqallı "Ferma" verilişi efirə qayıdır?

 

Bu sözləri Ölkə.Az saytına açıqlamasında ARB TV-nin rəsmisi İsmayıl Həsənov deyib:

 

"Telekanal rəhbərliyi tərəfindən, verilişdə yaşanan bəzi xoşagəlməz halların bir daha yaşanmaması üçün layihənin yaradıcı heyəti qarşısında qoyulan tələblər yerinə yetirilib. Bunu nəzərə alaraq qərar vermişik ki, geniş tamaşaçı kütləsinin sevərək izlədiyi "Ferma" verilişini efirə qaytaraq.

 

Telekanaldaxili apardığımız monitorinqlərin nəticələri əsasında "Ferma" verilişində müəyyən olunan digər nöqsanların aradan qaldırılması üçün hazırda da iş aparılır. Qısa müddətdən sonra həmin kiçik problemlər də öz həllini tapacaq. Verilişin öncədən çəkilmiş bölümlərinin olduğunu nəzərə alsaq, müəyyən çatışmazlıqların mərhələli şəkildə, tez bir zamanda aradan qaldırılacağını söyləyə bilərik. Tamaşaçılarımız sevdikləri "Ferma" layihəsini bu gün saat 21:00-da ARB TV-də izləyə bilərlər".