Rusiya əhalisi "istehlak komasına" düşüb
Rusiyanın Ali İqtisadiyyat Məktəbinin analitikləri böhranın ölkə əhalisinə təsirini analiz ediblər.
Ölkə.Az xəbər verir ki, analitiklər iqtisadi böhranın daha da dərinləşəcəyini proqnozlaşdırırlar.
"Rəsmi statistikada iqtisadi göstəricilərin normallaşdığı bildirilsə də, Rusiya iqtisadiyyatı tənəzzülünü davam etdirir. Rusiya əhalisinin gəlirləri hər ay bir neçə faiz azalmaqdadır və hazırda əhalinin 40% ancaq ərzaq səbətini doldurmaq üçün çalışır. Ölkədə ümumilikdə pərakəndə satış 1,6% azalıb. Artıq insanlar ancaq gündəlik ərzaq üçün pul xərcləyir", - analitiklərin hesabatında belə deyilir.
