\"Abşeron\" komandası 2 qızıl, 1 bürünc medalla evə qayıtdı

27-29 noyabr 2016-cı il tarixlərdə Taekvondo üzrə yeniyetmələr arasında Respublika birinciliyi keçirilib.

Ölkə.Az xəbər verir ki, Tovuz rayon Olimpiya Kompleksində baş tutan yarış iki gün davam edib. Yarışlarda 2003, 2004 və 2005 ci ildə anadan olmuş oğlan və qızlar müxtəlif çəki qruplarında mübarizə aparıblar.

Abşeron rayonunun eyniadlı komandası yarışlarda üç döyüşçü - iki  qız və bir oğlanla təmsil olunub. Bütün döyüşləri qələbə ilə başa vuran Səadət Abasova və Kənan Mahmudov qızıl medal, Fidan Səfərova isə bürünc medal qazanıb.

“Abşeron” komandasənın baş məşqiçisi 3-cü dan qara kəmər ustası Azər Süleymanov yarışların yüksək səviyyədə təşkil olunduğunu və ölkəmizdə idmana göstərilən qayğı nəticəsində “Abşeron” komandası ilə daha yüksək nəticələr qazanacaqlarına inandığını bildirib.

Komandanı və qalibləri təbrik edirik.