Zahid Oruc: “Azərbaycan hökuməti Qarabağ ermənilərinə müraciət etməlidir”
“Azərbaycan hökuməti Qarabağ ermənilərinə müraciət etməlidir”.
“Ölkə.az”-ın məlumatına görə, bunu Milli Məclisin bu gün keçirilən plenar iclasında çıxışı zamanı millət vəkili Zahid Oruc bildirib.
Deputat qeyd edib ki, baxmayaraq bu müraciətin perspektivli olması inandırıcı deyil, ancaq Azərbaycan öz borcundan çıxmalıdır:
“Biz Dağlıq Qarabağ ermənilərinə deməliyik ki, sizi Qarabağda girov saxlayan Ermənistan hakimiyyətidir”.
Z.Oruc erməniləri silahları atıb təslim olmağa da çağırıb:
“Azərbaycan dövləti Xocalı qatilləri olan erməniləri heç zaman bağışlamayacaq. Əgər digər ermənilər silahı yerə qoyub təslim olsa, onları firavan Azərbaycan vətəndaşlığı gözləyir. Azərbaycan dövlətini, Konstitusiyasını, ərazi bütövlüyünü qəbul edən, silahı yerə qoyan erməniləri daha yaxşı perspektiv gözləyir. Amma Xocalı faciəsini və xalqımıza qarşı digər cinayətləri törətmiş ermənilər bağışlanılmayacaq”.
Zaur Əziz
