Rusiya adalarını itirir

Qlobal istiləşmə səbəbindən dəniz səviyyəsinin yüksəlməsi müəyyən fəsadlara səbəb olub.

Ölkə.Az xəbər verir ki, səviyyəsi yüksələn dəniz suyu Rusiyanın Şimal Buzlu Okeanında bəzi adalarının su altında qalmasına səbəb olub.

Tomsk Texniki Universitetinin "Şimal Buzlu Okean karban tədqiqatları beynəlxalq laboratoriyası"nın sədri İqor Semitov bildirib ki, iqlim dəyişikliyi qlobal istiləşmənin artmasına səbəb olur. İqlim şkalasında isti və soyuq dövrlər var. 10 min il əvvəl də havanın istiliyi indiki kimi olub. Amma müasir geologiya tarixində şkala dəyişikliyə məruz qalıb. Hal-hazırda dünyada soyuq dövr başlamalı olsa da, istilik artmağa doğru gedir.

Qlobal istiləşmə Şimal Buzlu Okeanında, xüsusən də Laptev və Şərqi Sibir dənizində buzların əriməsinə səbəb olub. Eyni zamanda yay aylarında sahil erroziyası 20-30 metrə çatır. Nəticədə isə adalar yoxa çıxır.

Hikmət
Ölkə.Az