Məşhur komediya aktyoru avtomobil qəzasında həlak oldu

Türkiyənin məşhur komediya aktyoru Erdal Tosun avtomobil qəzasında həlak olub.

Ölkə.Az xəbər verir ki, bu gün saat 08:30 radələrində İstanbulun Sarıyer səmtində baş verən avtomobil qəzasında Erdal Tosun vəfat edib.

Verilən məlumata görə, Maslakdan Sarıyerə doğru hərəkət edən avtomobil idarəetməni itirərək yolun ortasındakı səkiyə çırpılıb. Toqquşmadan sonra avtomobil əks istiqamətdə Sarıyer-Maslak istiqamətində hərəkət edən aktyor Erdal Tosunun idarə etdiyi avtomobilin üstünə düşüb.

Hadisə nəticəsində aktyorun idarə etdiyi avtomobilin dam örtüyü çöküb. Bu səbəbdən Erdal Tosun avtomobildə sıxılıb qalıb. Hadisə yerinə gələn xilasedicilər bir saat əziyyət çəkdikdən sonra aktyoru avtomobildən çıxarıblar.

Təcili tibbi yardım personalı Tosunun hadisə yerində vəfat etdiyini bildirib. Polis əməkdaşları istintaqa başlayıb.

Hikmət
Ölkə.Az