MKİ-nin direktoru Trampa xəbərdarlıq edib
MKİ-nin sədri ABŞ-ın yeni prezidenti Donald Trampa Rusiyanın vədləri ilə bağlı ehtiyatlı olmağı məsləhət görüb.
Ölkə.Az xəbər verir ki, MKİ sədri Con Brennan düşünür ki, yeni prezident Tramp və onun administrasiyası Rusiyanın vədləri ilə bağlı ehtiyatlı olmalıdır.
Brennan bir müddət əvvəl Rusiyanın təhlükəli rəqib olduğunu və müəyyən sahələrdə bu dövlətlə əməkdaşlıq etmək lazım olduğunu bildirmişdi.
Tramp isə bir neçə dəfə Rusiya ilə ABŞ münasibətlərinin normallaşmasının zəruriliyini bildirib. Yeni prezident qeyd edib ki, Putinlə əla dostluq münasibətləri quracağına ümid edir. Tramp eyni zamanda Krımı Rusiyanın bir hissəsi kimi tanımaq məsələsinə yenidən baxmaq barədə niyyətinin olduğunu da qeyd edib.
MKİ sədri prezident seçkiləri dövründə baş verən haker hücumlarına görə də Rusiyanın məsuliyyət daşıdığını bildirib.
Hikmət
Ölkə.Az
