İspaniya klublarından gözəl addım

İspaniyanın "Real Madrid" və "Barselona" futbol klubları arasında keçirilən oyundan əldə edilən gəlir "Şapekoense" klubunun hesabına köçürüləcək.

Ölkə.Az xəbər verir ki, oyun 3 dekabr tarixində "Barselona" futbol klubunun "Nou Kamp" stadionunda keçiriləcək.

Dünən Braziliyanın "Şapekoense" klubunun futbolçularının da olduğu təyyarə Kolumbiyanın Medelyin ərazisində qəzaya uğrayıb. Nəticədə 71 nəfər həlak olub, 6 nəfər isə xəsarət alıb. Futbolçular Cənubi Amerika kubokunun final oyununda iştirak etmək üçün Kolumbiyaya uçublar. Amma təyyarə qəzası səbəbindən oyun təxirə salınıb.

Dünən Fransanın "Paris Sen-Jermen" klubunun braziliyalı klubun hesabına 40 milyon avro köçürəcəyi barədə xəbər rəsmi təsdiqini tapmamışdı.

Hikmət
Ölkə.Az