İranda quş qripi təhlükəsi

İranda quş qripi geniş sürətlə yayılır. Bu barədə İranın baytarlıq idarəsindən məlumat verilib.

Ölkə.Az xəbər verir ki, qurumun sədri Mehdi Halaç bildirib ki, Tehranın şərqində yerləşən Melard əyalətində 4 quş fabrikində quş qripi xəstəliyinə yoluxan 513 min toyuq məhv edilib.

Ölkədə baytar nəzarəti olmadan ev heyvanlarının bir yerdən başqa yerə nəql edilməsi qadağan edilib.

Avropada isə quş qripi qitənin ən böyük quş əti məhsulu istehsal edən Fransaya da sıçrayıb. Fransanın kənd təsərrüfat naziri ölkənin şimalında H5N8 virusunun aşkar edildiyini bildirib.

Rusiyadan Avropaya yayılan quş qripi son bir neçə ay ərzində Xorvatiya, Almaniya, Danimarka, Avstriya, İsveçrə, Polşa, İsveç və Macarıstanda da aşkar edilib.

Hikmət
Ölkə.Az