Xurmanın faydaları haqda bilmədiklərimiz

Xurmanı insanların əksəriyyəti xoşlayır. Xurmanın tərkibi vitaminlərlə, makro və mikro elementlərlə zəngindir. Bu səbəbdən mövsümündə xurmadan mümkün qədər çox istifadə etmək lazımdır.

Ölkə.Az xurmanın faydalarını oxucuları ilə bölüşür.

1. Xurmanın tərkibində yodun miqdarı çox olduğu üçün qalxanvari vəz xəstəliyindən əziyyət çəkənlər bu meyvədən çox istifadə etməlidir.

2. Eyni zamanda maqnezium sinir sitemini möhkəmləndirir, yuxunu yaxşılaşdırır və immuniteti gücləndirir.

3. Xurmanın tərkibi beta-karotinlə zəngindir. Bu maddə isə gözün sağlamlığına müsbət təsir edir.

4. Böyrək və sidik kisəsi xəstəliyindən əziyyət çəkənlər sidikqovucu təsirə malik xurmadan çox istifadə etməlidir.

5. Xurmanın tərkibində olan fruktoza və qlyukoza depressiya ilə mübarizə aparmağa kömək edir.

6. Amma bununla belə xurmanın zərərlərindən də danışmaq lazımdır. Şəkər xəstələri və artıq çəkidən əziyyət çəkənlərə xurma yemək məsləhət görülmür. Eyni zamanda allergiyadan əziyyət çəkənlərə də xurma ilə ehtiyatlı olmaq məsləhətdir.

7. Xurmadan kosmetalogiyada da istifadə edilir. Xurmadan hazırlanmış üz maskaları sızanaqlara qarşı mübarizə aparmaq üçün əla vasitədir. Maskanı hazırlamaq üçün bir ədəd xurmanın qabığını soyub yumurtanın ağı ilə qarışdırmaq lazımdır.

8. Bu tip üz maskasına qaymaq da əlavə etsəniz yaşlı dəri üçün əla maska əldə edərsiniz. Müntəzəm olaraq bu üz maskasından istifadə edən xanımların üz dərisi təravətli və parlaq olur.

9. Xurmadan eyni zamanda mətbəxdə də istifadə edilir. Müəyyən salat və qəlyanaltılara əlavə edilir.

10. Qurudulmuş xurmanın tərkibində faydalı maddələr məhv olmur, olduğu kimi qalır.

Hikmət
Ölkə.Az