“Oğlan evi 2” yeni ulduzlarla ekrana gəlir

Noyabrın 30-da növbəti Azərbaycan filmi olan "Oğlan evi 2”-nin qala gecəsi keçirilib.

Komediya janrında çəkilən və Nizami Kino Mərkəzində baş tutan təqdimata tanınmış aktyorlar, müğənnilər və digər şou-biznes nümayəndələri, media nümayəndələri də qatılıb.

Ölkə.Az xəbər verir ki, təqdimatdan əvvəl jurnalistlərin suallarını cavablayan filmin yaradıcı heyəti daha sonra tamaşaçılarla birgə filmi izləyib. "Oğlan evi 2” filmində tanınmış aktyorlar Nicat Rəhimov, Elcan Rəsulovla yanaşı, gənc video-bloger Hüseyn Əzizoğlu da rol alıb. 2 dostun toy biznesindən avtomobil oğurluğuna qədər uzanan yolundan bəhs edən film bu gündən etibarən nümayiş etdiriləcək.

Fotolar: Çinarə Vahabzadə
Ölkə.Az