Ərdoğan Putin danışığının detalları açıqlandı
Türkiyə prezidenti Rəcəb Tayyip Ərdoğan rusiyalı həmkarına biz Suriyaya Bəşər Əsədi devirmək üçün girmişik bəyanatı ilə bağlı aydınlıq gətirib.
Ölkə.Az xəbər verir ki, bu barədə İnterfaksa Rusiya prezidentinin köməkçisi Yuriy Uşakov məlumat verib.
Uşakov bildirib ki, ötən gün dövlət başçıları arasında baş tutan telefon danışığında Ərdoğan bəyanatla bağlı Putinlə geniş danışıb və tərəflər bu məsələ barədə müzakirə aparıblar. Amma Putinin köməkçisi danışıqların təfərrüatı barədə danışmaqdan imtina edib.
Xatırladaq ki, ötən gün verdiyi bəyanatda Ərdoğan "Fərat qalxanı" əməliyyatının məqsədinin Suriya prezidenti Bəşər əsədi devirmək olduğunu demişdi. Buna dərhal reaksiya verən rəsmi Moskva Ankaradan izahat tələb etmişdi.
