Çavuşoğlu Ankaranın Suriya hədəfini açıqladı

Türkiyənin xarici işlər naziri Mövlud Çavuşoğlu bildirib ki, rəsmi Ankara İŞİD-lə mübarizə məsələsində Rusiya ilə əməkdaşlığa davam edəcək.

Ölkə.Az xəbər verir ki, nazir eyni zamanda Rusiya və Türkiyə arasında viza rejiminin qısa müddətdə ləğv edilməsini istəyir.

"Biz beynəlxalq terrorizmə qarşı əməkdaşlıq edirik. Bu bizim əməkdaşlığımızın ən vacib sahələrindən biridir. İŞİD və digər terror qruplaşmaları nəinki bizim yaşadığımız region, eyni zamanda bütün dünya üçün təhlükə mənbəyidir"-deyə Türkiyə rəsmisi Rusiya xarici işlər naziri Lavrovla görüşdən sonra qeyd edib.

Mevlüd Çavuşoğlu ümid edir ki, Türkiyənin baş naziri Binəli Yıldırımın gələn həftə Rusiyaya planlaşdırılan rəsmi səfəri çərçivəsində Putinlə görüşü baş tuta bilər.

Qeyd edək ki, xarici işlər naziri bildirib ki, rəsmi Ankara Bəşər Əsədi günahsız insanların ölümünə görə günahkar sayır, amma bununla belə Rusiyanın mövqeyi ilə üst-üstə düşən siyasət yürütməyə davam edəcək.

Hikmət
Ölkə.Az