Türkiyə parlamenti \"Türk axını\"nı təsdiqlədi

Türkiyə parlamenti Rusiya ilə nəzərdə tutulan "Türk axını" layihəsini təsdiqləyib.

Ölkə.Az xəbər verir ki, Türkiyə Milli Məclisi tərəfindən rus tərəfi ilə "Türk axını" qaz kəməri layihəsinə aid qanun səsə qoyulub. 210 millət vəkili layihənin lehinə, 7 nəfər isə əleyhinə səs verib. 6 deputat isə bitərəf qalıb.

Məlum olduğu kimi Milli Məclisin təsdiqlədiyi qanun layihəsi ölkə prezidenti Rəcəb Tayyib Ərdoğan tərəfindən təsdiqləndikdən sonra və Türkiyənin rəsmi mətbuat orqanı sayılan "Resmi Gazete"də yayımlandıqdan sonra qüvvəyə minəcək.

Qeyd edək ki, bir müddət əvvəl Rusiyanın "Qazprom" şirkəti kəmərin tikintisi üçün 40 milyard rubl ayıracağını bildirmişdi.

Hikmət

Ölkə.Az