Bakı metrosunda həyəcanlı anlar
Bu gün metronun Elmlər Akademiyası stansiyasında qorxulu anlar yaşanıb. Metronun İnşaatçılar metrostansiyasında gedən qatarda 6 yaşlı Əliyev Yavər Maarif oğlunun ürəyinin getməsi ətrafdakıları həyacanlandırıb.
Ölkə.az-ın hadisə yerindəki əməkdaşının verdiyi xəbərə görə, övladının ürəyinin getdiyini görən atanın (Maarifin) dili tutulub. Stansiyadakılar bir neçə dəqiqə panikaya qapılıblar.
Sonda ürəyi gedən azyaşlı və ata nəzarətçi polislərlə birlikdə hadisə yerindən uzaqlaşıblar.
Hadisəyə səbəbin qatarın içində hava çatışmazlığının olması göstərilir.
Qeyd edək ki, hadisə saat 16 radələrində baş verib.
Ölkə.az
