Sosial evlər bu ailələrə veriləcək
Güzəştlə mənzil əldə etmək hüququna malik olanlar sırasına müəyyən edilmiş kateqoriyalar üzrə gənc ailənin üzvü olan şəxslər də daxildir.
Ölkə.Az xəbər verir ki, bu barədə məlumatı Lent.az-a Mənzil İnşaatı Dövlət Agentliyindən verilib.
“Gənclər siyasəti haqqında” qanuna əsasən, gənc ailə dedikdə yaşı 16-dan 35-dək olan gənclərin nikaha daxil olmasından yaranan ailə, habelə himayəsində azı bir uşağı olan və yaşı 35-dən çox olmayan tək valideyn nəzərdə tutulur.
Yəni bu kateqoriyaya daxil olan gənc ailələr güzəştli sosial ev almaq hüququna malik olacaqlar.
