Dünyasını dəyişmiş yaxınlarınız həmişə sizinlə ola bilər
Kremasiya olunmuş insanların tozunu almaza çevirmək mümkündür.
Ölkə.Az xəbər veri ki, İsveçrədə maraqlı yeniliyə əl atıblar. Algordanza adlı şirkət dünyasını dəyişmiş yaxınların xatirəsini əbədiləşdirmək üçün yeni və orijinal üsul təklif edib. Sözügedən şirkət ölmüş şəxslərin tozunu əsl almaza çevirməyə hazırdır. Tozun almaza çevrilməsi prosesi bir neçə mərhələdən ibarətdir: əvvəlcə tozda olan karbon tamamilə çıxarılaraq qızdırılır və qrafitə çevrilir.
Əldə edilmiş qrafit Selsi üzrə 1500 dərəcə temperaturda qızdırılır. Bundan sonra isə alınan maddə 1 kvadrat santimetrə 1 milyon kilogram olmaqla təzyiqə məruz qalır.
Alınan almazın rəngi isə tozda olan borun miqdarından asılı olaraq ağdan göyə qədər dəyişə bilir. Xidmətin qiyməti 4500 dollardır. Əldə edilən almazdan müxəlif cür aksessuarlar, əşyalar hazırlana bilər. Bununla isə hər bir şəxs itirdiyi yaxınının bir hissəsini həmişə üzərində gəzdirə biləcək.
Rəşid Mustafazadə
Ölkə.Az
