Sirkdə dəhşətli hadisə
Sirkdə şir təlimçisinə hücum edərək onu parçalayıb.
Ölkə.Az xəbər verir ki, Misirdə baş verən hadisə zamanı təlimçi həlak olub.
Misirin İskəndəriyyə şəhərinin sirkində İslam Şahin adlı təlimçi qəfəsin içində 3 şirə təlim keçərkən hücuma məruz qalıb. Telefonla çəkilən videoda şirlərdən birinin taburetdən enərək təlimçiyə hücum etdiyi görünür. Qəzəblənmiş şir təlimçini yerə yıxaraq boğazını dişləyir.
Digər təlimçilər və sirkin işçiləri qəfəsə girərək Şahini xəstəxanaya aparıblar. Amma aldığı yaralar ölümcül olduğu üçün təlimçinin həyatını xilas etmək mümkün olmayıb. Şahinin qardaşı onun 10 ildir ki, sirkdə işlədiyini bildirib.
Qeyd edək ki, hadisə şirlərin cütləşmə mövsümünə təsadüf edib.
Ölkə.Az videonu təqdim edir:
Hikmət
Ölkə.Az
