Tiflo və surdo şərhli cizgi filmlərin təqdimatı keçirilib
Ölkə.Az-ın məlumatına görə, tədbirdə "Sərhədsiz incəsənət" layihəsi çərçivəsində tiflo və surdo şərhlə müşayiət olunan "Səhirlənmiş küpə", "Şahzadə-qara qızıl", "Taya" cizgi filmlərinin təqdimatı keçirilib.
Qeyd olunub ki, məqsəd görmə-eşitmə qabiliyyəti məhdud olan insanların həyatında son dərəcə əhəmiyyətli olan bu sahənin inkişaf etdirilməsidir.
Bakı Şəhər Kino Xidməti İdarəsinin rəisi Gültəkin Nəriman, Gözdən Əlillər Cəmiyyətinin sədri Səmyar Abdullayev çıxış edərək tədbirin əhəmiyyətindən danışıblar və dövlət qurumlarını bu sahəyə dəstək olmağa çağırıblar.
Qeyd edək ki, 1992-ci ildə BMT-nin Baş Assambleyasında Əlillər Gününün qeyd olunması ilə əlaqədar qərar qəbul edilib.
Fotolar: Nurlan Gülməmmədov
