Eltondan ilginc etiraflar: "Atam iki dəfə həbs olunub"

Müğənni Elton Hüseynəliyev qonağı olduğu "Gəlin danışaq" verilişində uşaqlıq illəriylə bağlı ilginc etiraflar edib.

Ölkə.Az-ın məlumatına görə, sənətçi atasının iki dəfə həbs edildiyini bildirib:

"Atam 1994-cü ildə həbs olundu. Ondan əvvəl də həbs edilmişdi. Ancaq həmin həbsin səbəbini xatırlamıram. İkinci dəfə isə şərləyib tutmuşdular. Qarabağ müharibəsinın qızğın dövründə üç dəfə könüllü cəbhəyə getmək istədi, qoymadılar. On il zindanda yatdı və sonradan ibadətə başladı. Özü deyir ki, nə yaxşı tutulmuşam. Uşaqlığım çətin keçib, doqquz yaşımdan toylara getmişəm, ailə dolandırmışam. Bəzən olurdu ki, mən də uşaqlarla oynamaq istəyirdim, toya getmək istəmirdim. Anam deyirdi ki, bəs evə kim baxsın".

Xatırladaq ki, Gəlin danışaq verilişi ARB TV-də yayımlanır.

İntiqam VALEHOĞLU
Ölkə.Az