WhatsApp istifadəçilərinə bəd xəbər

Yeni funksiyanın təqdimatı gecikir.

Ölkə.Az Hurriyet.com-a istinadən xəbər verir ki, WhatsApp-ın səsli danışıq xidmətinin təqdimat tarixi 2015-ci ilin ilk aylarına qədər təxirə salındı​​.

WhatsApp şirkəti ötən aylarda məşhur danışıq tətbiqində zəng etmə və qəbul etmə funksiyalarının olacağı barədə məlumat yaymışdı.

Wi-Fi üzərindən işləyəcək funksiyanın 2014-cü ilin ikinci rübündə gələcəyi gözlənilirdi. Lakin bu həftə Code / Mobile konfransında danışan WhatsAppın rəhbəri Yan Kum bəzi texniki problemlər üzündən təqdimatın gecikəcəyini söyləyib. Bu problemlər içərisində isə WhatsApp tətbiqində mikrofonun olmaması da var.

Whatsapp-ın artan məşhurluğu mobil operatorların təqdim etdiyi SMS mesajlarına marağın azalmasına gətirib çıxarıb, bu isə sahədən götürülən gəlirə mənfi təsir göstərib. İstifadəçilərin sevimlisi olan WhatsApp 19 fevral 2014-ci il tarixində Facebook tərəfindən 16 milyard dollara satın alınıb. Səsli danışıq sisteminin hansı nəticələrə səbəb olacağı yalnız təqdimatdan sonra bəlli olacaq.

Rəşid Mustafazadə

Ölkə.Az