Növbəti "El Klassiko"
Futbol üzrə İspaniya çempionatının 14-cü turu çərçivəsində "Barselona" və "Real Madrid" klubları qarşılaşacaq.
Ölkə.Az xəbər verir ki, La Liqanın son çempionu "Barselona" evində Çempionlar Liqasının hazırkı qalibi "Real Madrid"i qonaq edəcək.
Hər iki klub Çempionlar Liqasında 1/8 finala vəsiqəni artıq təmin edib. Eyni zamanda "kral klubu" dörd aydır ki, heç bir məğlubiyyətə uğramadan UEFA Super Kubokunu qazanmağa macal tapıb.
Kataloniyalılar isə çempionatda artıq iki məğlubiyyətə uğrayıblar, axırıncı iki matçı isə heç-heçə ilə başa vurublar.
Son uğursuzluqlara baxmayaraq, "Barselona" ölkə çempionatında ikinci pillədə qərarlaşıb və liderdən 6 xal geri qalır.
"Real Madrid" 13-cü turda yalnız üç dəfə heç-heçə edib, son 6 oyunda isə qalib gəlib.
Bu görüş futbol tarixində 232-ci "El Klasiko" olacaq. Qarşılaşmalardan 92-si Madrid, 91-i isə Kataloniya təmsilçisinin qələbəsi ilə yekunlaşıb. Qalan 48 matçda isə bərabərlik qeydə alınıb. Rəqiblər ölkə çempionatında 173-ci dəfə üz-üzə gələcək. "Real Madrid"in aktivində 71, "Barselona"da isə 69 qələbə var.
Oyun Bakı vaxtı ilə saat 19:15-də başlayacaq və 50 teleradio şirkəti vasitəsilə 185 ölkədə canlı yayımlanacaq.
