Azərbaycan və Türkiyə xarici işlər nazirləri Qarabağ münaqişəsini müzakirə ediblər
Azərbaycan və Türkiyə xarici işlər nazirləri Dağlıq Qarabağ münaqişəsinin həlli yollarını müzakirə ediblər.
Türkiyə ağır günlərdə təhlükəsizlik sahəsində göstərdiyi dəstəyə görə Azərbaycana minnətdarlığını bildirir.
Trend-in məlumatına görə, bunu Türkiyənin xarici işlər naziri Mövlud Çavuşoğlu azərbaycanlı həmkarı Elmar Məmmədyarovla birgə brifinq zamanı deyib:
“Bir daha Azərbaycana səfər etməkdən məmnunam. Bura bizim də Vətənimizdir. Azərbaycana son səfərim Türkiyədəki çevriliş cəhdindən sonra baş tutmuşdu. Ağır günlərdə Türkiyəyə göstərdiyi dəstəyə görə, Azərbaycan rəhbərliyinə və xalqına bir daha minnətdırlığımı bildirirəm”.
Onun sözlərinə görə, Gülən terror təşkilatı ilə mübarizə Azərbaycanın təhlükəsizliyi üçün də vacibdir.
Dağlıq Qarabağ münaqişəsi barədə danışan nazir deyib:
“Dağlıq Qarabağ münaqişəsinin nizamlanması məsələsində bir hər zaman Azərbaycanın yanındayıq. Erməni qoşunları işğal olunmuş əraziləri tərk etməlidir. Türkiyə öz növbəsində Bakıya münaqişənin həlli ilə bağlı yardımını göstərməyə hazırdır”.
Bir neçə gün əvvəl rusiyalı həmkarı Sergey Lavrovla Qarabağ məsələsini müzakirə etdiyini bildirən M.Çavuşoğlu bu sahədə Rusiyanın səylərini dəstəklədiyini deyib.
“Rusiyanın münaqişənin həll olunması ilə bağlı ATƏT-in Minsk qrupundan kənarda da təşəbbüsləri olub. Mən qeyd etdim ki, Türkiyə bu məsələdə Azərbaycanın yanındadır”.
***
Trend-in məlumatına görə bu barədə Azərbaycanın xarici işlər naziri Elmar Məmmədyarov türkiyəli həmkarı Mövlud Çavuşoğlu ilə birgə brifinqdə bildirib.
Onun sözlərinə görə, Çavuşoğlu Dağlıq Qarabağ məsələsini bir neçə gün Rusiya xarici işlər naziri Sergey Lavrovla görüşü zamanı da müzakirə edib.
E.Məmmədyarov isə deyib ki, gələn həftə ATƏT-in xarici işlər nazirləri şurasının iclası keçiriləcək və Bakıya bir çox məsələlərdə Türkiyənin mövqeyi maraqlıdır.
Bundan başqa, E.Məmmədyarov Azərbaycanın 2017-ci ildə Əfqanıstan üzrə istanbul prosesində sədrliyini qəbul etmək niyyətini açıqlayacağını deyib.
Ölkə.Az
