Gülnarə Kərimovanın oğlu tələb etdi: "Anamı göstərin"
Gülnarə Kərimovanın oğlu anasının sağ olduğunun dünyaya göstərilməsini tələb edib.
Ölkə.Az xəbər verir ki, Özbəkistanın sabiq prezidenti İslam Kərimovun qızı Gülnarə Kərimovanın Londonda yaşayan oğlu BBC kanalına müsahibə verib və anasının harada olduğunun açıqlanmasını tələb edib.
Babasının adını daşıyan islam Kərimov Özbəkistanın rəsmi qurumlarından anası barədə məlumat tələb edib. O, Özbəkistan xüsusi xidmət orqanlarını Gülnarəni təcriddə saxlamaqda günahlandırıb.
İslam Kərimov anasının Daşkənddəki malikanənin yanında 2-3 otaqlı evdə saxlandığını bildirib: "Bu anamın sağlamlığı üçün təhlükəlidir. 2-3 il ətraf aləmdən təcrid edilən insanların müəyyən tibbi müdaxiləyə ehtiyacı var. Anamın ağlı yerindədir. Psixi problemi yoxdur".
Londonda sürgündə olan Kərimov məsələ ilə bağlı Özbəkistanın SNB xüsusi xidmət orqanını günahlandırıb və qurumu məlumat vermədiyi üçün tənqid edib.
Hikmət
