Əli Kərimli haqqında keçmiş partiya yoldaşından şok iddia: \"Cahangir Hacıyevdən pul alıb\"

 

Bu fikirləri BAXCP sədrinin siyasi məsələlər üzrə müavini Niyaməddin Orduxanlı "Ölkə.Az" saytına açıqlamasında deyib:

 

"Əli Kərimli ilə Xədicə İsmayılın bu gün ölkədə siyasi məhbus alveri ilə məşğul olduğu hər kəsə bəllidir. Əli Kərimli indi də Cahangir Hacıyevi siyasi məhbus adlandırmağa hazırlaşır".

 

N.Orduxanlının sözlərinə görə, artıq bu məsələ də Xədicə İsmayılla Əli Kərimli arasında ciddi şəkildə narazılıq yaradıb:

 

"Son 10 gündə sosial şəbəkədə apardığım müşaidəni qeyd etmək istəyirəm. İlk əvvəl hər ikisi özlərinin tərtib etdiyi və beynəlxalq təşkilatlara təqdim etdiyi siyasi məhbus" siyahısında Nardaran qəsəbəsində həbs edilmiş və İran xüsusi xidmət orqanlarının ələ aldığı 60 nəfərə yaxın şəxsi siyasi məbus elan etdilər. Bu o demək idi ki, hər ikisi bu məsələ də kifayət qədər maddi gəlir əldə etmişdilər. Vəsaitin də haradan əldə edildiyi bəllidir. Çünki uzun illərdi özlərini Qərb yönümlü və Amerikapərəst adlandıran Əli Kərimli ilə Xədicə İsmayıl birdən birə İran molla rejiminə qulluq edən və İran mollarının əlini öpməkdən qürur duyan Taleh Bağırzadə və ətrafında olan şəxsləri siyasi məhbus adlandırmazdı. Həmçinin onların adlarını beynəlxalq təşkilatlara təqdim etməzdilər. İndi isə, Azərbaycan xalqının milyardlarını oğurlamış və məhkəmə vasitəsi ilə birbaşa sübut olunmuş Beynəlxalq Bankın keçmiş rəbəri Cahangir Hacıyevin ətrafında "siyasi məhbus oynunu" oyanayırlar. Açıq şəkildə görünür ki, Əli Kərimli Oktay Gülalayevi önə verməklə Cahangir Hacıyevi özlərinin hazırladığı siyasi məhbus siyahısına əlavə etmək istəyir. Bununla bağlı Oktay Gülalayev informasiya yayır ki, Cahangir Hacıyevin işini nəzarətə götürüblər və araşdırırlar.

 

Xədicə İsmayıl isə öz növbəsində bunun əleyhinə olduğunu göstərir. Görünür, bu məsələdə Xədicə İsmayıl hələki razılığa gələ bilməyib. Yəni, maliyyə məsələsində razılaşa bilməyiblər. Ancaq o bəllidir ki, artıq Əli Kərimli Cahangir Hacıyevlə razılaşıb və ondan kifayət qədər maliyyə qopara bilib. Hər kəsə bəllidir ki, Oktay Gülalayev Əli Kərimlinin nəzarətindədir və o, birbaşa Əli Kərimlinin tapşırıqlarını yerinə yetirir.

 

Xatırlayırsınlzsa Əli Kərimli, Cəmil Həsənli və Oktay Gülalıyev ilk gündən siyasi məhbus siyahısını bir yerdə elan etdilər. Bunlar birgə iş qurublar. Bir yerdə qazanırlar. Əli Kərimlinin icazəsi olmadan Gülalıyev bir nəfərin belə adını çəkməz. Görün, Əli Kərimli nə qədər pul hərisidir ki, Cahangir Hacıyevin dövlət budcəsinin oğurlaması və öz ailəsinin, yaxın qohumlarının adına milyonlara dolları qanunsuz olaraq kredit verməsi bəlli ola-ola belə bir şəxsin müdafiəsini təşkil edir. Bir daha qeyd etmək istəyirəm, Əli Kərimli üçün əsas prinsip pul qazanmaqdır. Onu yaxından tanıyan hər kəs bilir ki, Əli Kərimliyə pul verdinsə, bir müddət o şəxsi müdafiə edir. Pul verənin kim olması heç bir rol oyanmır. İnanın ki, Əli Kərimli şeytandan da pul alıb, onu müdafiə edər".