Məşhur müğənni evinin yanında bıçaqlandı

Qonşuları məşhur müğənni Orhan Ölmezi bıçaqlayıblar.

Ölkə.Az xəbər verir ki, Orhan Ölmez qonşuları tərəfindən döyülərək bıçaqlanıb. Müğənni xəstəxanaya aparılıb.

İstanbulun Halkall səmtində yaşayan müğənni bir neçə dəfə səs-küy salıb insanları narahat edən qonşuları ilə axşam saatlarında binanın yanında rastlaşıb. Orhan qonşularına "binadan köçürsünüzsə, kömək edim" deyərək binadan uzaqlaşıb.

Müğənnini təqib edən 4 qonşu avtomobil dayanacağına qədər gəliblər. Orhan avtomobilinə əyləşəndə qonşular da maşına minib boğazını sıxaraq döyüblər. Müğənniyə beş bıçaq zərbəsi endirən cinayətkarlar qaçıblar.

Orhan xəstəxanaya çatdırılıb. Cinayətkarların axtarışı davam edir.

Hikmət
Ölkə.Az