Binəli Yıldırım Konstitusiya düzəlişi ilə bağlı vaxt göstərdi

Türkiyənin baş naziri Rusiyaya səfər öncəsi vacib açıqlamalar verib.

Ölkə.Az xəbər verir ki, Binəli Yıldırım konstitusiya dəyişikliyi ilə bağlı təklifin bu həftə Türkiyə Böyük Millət Məclisinə təqdim ediləcəyini bildirib.

Nazir deyib:"Qarşılıqlı görüşlər davam edir. Görüşlərin nəticələri bizə və Devlet Bahçeliyə təqdim edilir. Bizdən verilən cavablara əsasən görüşlər davam edir. Konstitusiya komissiyasında da bizim verdiyimiz təklif dəyərləndiriləcək. Problem olsa, müzakirə edərək bu problemi həll edərik. Hər şeyin bir həlli var. Texniki tənzimləmə də nəzərdə tutulub. Hansı maddənin nə vaxt qüvvəyə minəcəyini təklif ediləndə görəcəksiniz. İnşallah bu həftə layihə Məclisə təqdim ediləcək".

Hikmət
Ölkə.az