Əvəz Ələkbərov Beynəlxalq Bankın vəziyyətindən danışdı
“Azərbaycan Beynəlxalq Bankının (ABB) fəaliyyəti ilə bağlı narahatlıq o vaxtlar da olub. Mən nazir olanda tez-tez banka məktublar göndərirdik, iradlarımızı bildirirdik”.
Ölkə.Az “Report”a istinadən xəbər verir ki, bu barədə 1999-2006-cı illərdə Azərbaycanın maliyyə naziri vəzifəsində çalışmış Əvəz Ələkbərov bildirib.
Onun sözlərinə görə, indi ABB-nin vəziyyəti yaxşı olsa idi, bütün bank sektrounda da vəziyyət yaxşı idi:
“Bu vəziyyət olmamalı idi. Bankın səlahiyyətli İdarə Heyəti olub, o, yaxşı idarə etməli idi, riskli kreditləşməyə getməməli idi, buna isə Müşahidə Şurası nəzarət etməli idi.
Bəri başdan bilmək lazım idi ki, intizamsız atılan addımlara görə gec-tez haqq-hesab soruşacaqlar. İndi ABB-nin vəziyyəti yaxşı olsaydı, bütün bank sektorunda vəziyyət yaxşı olardı”, - deyə Ə.Ələkbərov qeyd edib.
