Ümumrusiya Azərbaycan Konqresinin qurultayının vaxtı məlum oldu
Ümumrusiya Azərbaycan Konqresinin (ÜAK) IV Qurultayının vaxtı məlum olub.
Ölkə.Az APA-ya istinadən xəbər verir ki, ÜAK-ın növbəti qurultayı dekabrın 28-də Moskvada keçiriləcək.
Qurultayda Azərbaycan və Rusiyadan yüksək vəzifəli dövlət adamlarının iştirakı gözlənilir. Qurultayda təşkilatın prezidenti seçiləcək.
Qeyd edək ki, Ümumrusiya Azərbaycan Konqresinin III qurultayı 2011-ci ilin noyabrın 25-də keçirilib. ÜAK-ın hazırkı prezidenti Rusiya Elmlər Akademiyasının həqiqi üzvü Məmmədbağır Əliyevdir.