Şimali Koreyanın birinci xanımı 7 aydan sonra ilk dəfə üzə çıxdı
Şimali Koreyanın lideri Kim Jonq Unun həyat yoldaşı 7 aydan sonra ilk dəfə olaraq üzə çıxdı.
Ölkə.Az xəbər verir ki, 7 aydır görünməyən birinci xanım Ri Sol Ju əri ilə yarışı izləməyə gəlib.
Şimali Koreyanın rəsmi xəbər agentliyinin verdiyi məlumata görə, Şimali Koreya lideri həyat yoldaşı ilə hərbi təyyarələrin təlim yarışını izləyib.
Rinin 7 aydır ki, gözlərdən uzaq olması müxtəlif şayiələrə səbəb olmuşdu. Şimali Koreya üzrə mütəxəssislər birinci xanımın ya hamilə olduğunu, ya da ailə üzvlərindən biri ilə problemlərinin ortaya çıxdığını ehtimal edirdilər.
Ri sonuncu dəfə mart ayının 28-i paytaxt Pxenyanda görünmüşdü. O vaxtdan birinci xanımı görən olmasa da, Kim bütün ölkəni gəzib-dolaşmışdı.
Hikmət
