Polyaklar yeni superkar istehsal etdilər
Polyaklar Arrinera Hussarya GT markalı yeni superkar istehsal ediblər.
Ölkə.Az xəbər verir ki, sırf yarış trekləri üçün nəzərdə tutulmuş yeni avtomobil 229.000 dollar qiymətindədir.
Hussarya V8 tipli LS7 mühərriki ilə təchiz edilib. Aqreqat 500 at gücü hasil edir. Mühərrik altı pilləli sürətlər qutusu ilə birləşdirilib. Yarış avtomobilləri üçün nəzərdə tutulmuş sürətlər qutusunun pillələri sükanın altındakı rıçaqla ötürülür.
Superkar polad rama şassisi, sifarişlə yığımış asmalıq və yüksək keyfiyyətli əyləc sistemi ilə təchiz edilib. ABS əyləc sistemi Bosch şirkəti tərəfindən istehsal edilib. Yeni Hussarya FİA GT3 standartlarına tam uyğundur.
Gələn il Hussayra GT avtomobilinin trek yox, adi yollar üçün nəzərdə tutulmuş versiyası istehsal ediləcək.
Hikmət
