Tailandda daşqınlar 12 nəfərin həyatına son qoydu

Tailandın cənub əyalətlərində daşqınlar 12 nəfərin həyatına son qoyub.

Ölkə.Az xəbər verir ki, Tailandın daxili işlər nazirliyi daşqınlar nəticəsində 12 nəfərin həlak olduğunu, 3 nəfərin isə itkin düşdüyünü bildirib.

Artıq bir həftədir ki, Tailandın cənub əyalətlərinə aramsız yağan leysan yağışları dəhşətli daşqınlara səbəb olub. Su altında qalan 12 əyalətin 100-dən çox rayonu fəlakət zonası elan edilib. Suyun səviyyəsi 50 sm-la 3 metr arasında qalxıb.

Nakxon Sitxammarat, Sonqkla, Surat Txani, Çumpxon, Krabi, Tranq, Pxattxalunq, Yalla, Narativat və Pattani əyalətlərində daşqınlar böyük dağıntılara səbəb olub.

Tailandda cənub əyalətləri ilə dəmiryolu əlaqəsi kəsilib, qatarların reysi təxirə salınıb. Daşqından əziyyət çəkən ərazilərdə məktəblər tətilə buraxılıb.

Hikmət
Ölkə.Az