Ərəb şeyxinin 3-cü arvadı olan azərbaycanlı gimnastdan mətbuata

Birləşmiş Ərəb Əmirliklərinin vitse-prezidenti və baş naziri, Dubayın Əmiri Şeyx Məhəmməd bin Rəşid Əl-Maktumun qardaşı oğlu Şeyx Səid Əl Məktumun üçüncü həyat yoldaşı, tanınmış azərbaycanlı gimnast Zeynəb Cavadlı haqqında yazılanlara reaksiya verib.

Ölkə.Az xəbər verir ki, Cavadlı mətbuata göndərdiyi müraciətdə dolayısıyla qələm əhlinə onun barəsində yazmaq qadağası qoyub:

"Əziz dostlar, hörmətli media nümayəndələri!
Biz sizinlə uzun zaman əməkdaşlıq etmişik. Bu illər ərzində mən hər zaman sizlərə böyük hörmət bəsləmişəm və ümidvaram ki, siz də mənə qarşılıqlı cavab verəcəksiniz. Sizdən xahiş edirəm ki, icazəm olmadan ailəm barədə bir daha mediada heç bir məlumat paylaşmayasınız. Mənim ailəm – mənim şəxsi həyatımdır. Bu mövzuda mediaya heç bir açıqlama vermək istəməzdim. Xahiş edirəm, mənim istəyimi nəzərə alaraq mətbuat etik qaydalarına riayət edəsiniz. Təşəkkür edirəm!".

Xatırladaq ki, Z.Cavadlının Əl Məktumla izdivacından qız övladı dünyaya gəlib.

İntiqam VALEHOĞLU
Ölkə.Az