"Cadılar Bayramı"nda anasının başını kəsdi

Dünyanın dörd bir tərəfində insanların “Cadugərlər bayramı”nı ("Haloween") qeyd etdiyi bir gündə Amerika Birləşmiş Ştatlarında (ABŞ) yaşayan bir gəncin anasını öldürməsi də bayram zarafatı kimi qəbul edilib

ABŞ-da Nyu-York şəhərinin Lonq İzlənd bölgəsindəki binalıardan irində yaşayan 35 yaşlı Derek Vord eyni evdə yaşadığı 66 yaşlı Patrisia Vordun başını kəsərək qətlə yetirib. Qatil oğlu daha sonra başsız cəsədi sürükləyərək küçəyə çıxarıb.

Qorxunc hadisəni görən ətrafdakılar əvvəlcə baş verənlərin, sadəcə bir “Cadugərlər bayramı” zarafatı olduğuun düşünüblər. Lakin həqiqəti öyrəndikdə dəhşətə gəliblər və dərhal polisə məlumat verilib.

Hadisə yerinə gələn polis qadının öldüyünü, qatil oğulun isə həyatına qəsd etdiyini müəyyən ediblər.

Yerli polisin veridyi məlumatda, Derek Vordun əqli pozğunluğu olduğu bildirilir. O, anasını öldürdükdən sonra özünün isə yaxınlıqdan keçən bir qatarın önünə çıxaraq həyatına son verib.

Qeyd edək ki, “Cadugərlər bayramı”nı ("Haloween") bayramı hər il 31 oktyabr tarixində qeyd edilən müasir balqabaqlar bayramıdır. Bayram müasir Böyük Britaniya və İrlandiya ərazisində yaşayan Şotland xalqı Keltlərin adətləri əsasında hazırlanıb. Başlıca olaraq ABŞ, Böyük Britaniya, İrlandiya, Rusiya, Asiya qitəsində yerləşən Sinqapur, Cənubi Koreya, Yaponiya, okeaniyada yerləşən Avstraliya, Yeni Zelandiya kimi ölkələrdə təntənəli şəkildə keçirilir. Ölkəmizdə də bəzi gənclər əyləncə məqsədilə belə partilərdə iştirak edirlər. (Anspress)