Orqanizmi siqaretin zərərli nikotinindən təmizləyən

Orqanizmi yığılmış nikotindən hansı ərzaqlar təmizləyə bilər? Bu məsələ siqareti tərgidənlər üçün aktual məsələdir. Çünki siqareti tərgitdikdən sonra da orqanizmə yığılan zərərli nikotin 1 il sonra təmizlənir. Orqanizmin təmizlənmə prosesini necə sürətləndirmək olar?

Ölkə.Az bu məsələdə kömək edən 5 ərzağı oxucuları ilə bölüşür. Qeyd edək ki, qida rasionuna əlavə edəcəyiniz bu ərzaq məhsulları nikotini 6 aya təmizləyir.

1. Su

Nikotin alışqanlığı ilə mübarizədə çoxlu miqdarda su içmək çox vacib faktor sayılır. Siqaretdən imtina susuzluqla nəticələnir. Bu səbəbdən çoxlu maye qəbul etmək lazımdır və bu maye su olmalıdır. Su nikotini orqanizmdən çıxarır.

2. Yerkökü

Yerkökü siqareti tərgitmək üçün əla vasitədir. Yerkökü şirəsinin tərkibində A, B, C, K vitaminləri var və bu vitaminlər ağciyərdən nikotinin təmizlənməsini sürətləndirir. Gün ərzində 100-125 qram yerkökü şirəsi ümumi vəziyyəti yaxşılaşdırır və üz dərisinin rəngini normallaşdırır.

3. Portağal

Portağalın tərkibində olan C vitamini maddələr mübadiləsini və ağciyərlərin təmizlənmə prosesini yaxşılaşdırır. Müntəzəm olaraq portağal şirəsi içmək leykositlərin səviyyəsini artırır. Bu isə infeksiyalarla mübarizədə vacibdir. Bundan əlavə, portağal stress və onun nəticələri ilə mübarizədə effektiv vasitədir. Deməli, siqaret çəkmə həvəsini də zəiflədir.

4. Kivi

Kivinin tərkibində olan A, C və E vitaminləri orqanizmin normal fəaliyyəti üçün zəruridir və adətən siqaret çəkənlərin orqanizmində bu maddələr olmur. Müntəzəm olaraq kivi qəbul etmək siqaretlə zədələnən müdafiə funksiyalarının bərpasını təmin edir.

5. İspanaq

İspanaq foli turşusunun mənbəyidir və qida rasionuna mütləq əlavə edilməlidir. Adətən siqaret çəkənlərin orqanizmində foli turşusu azalır və bu vəziyyəti ispanaq çox qısa müddətdə bərpa edə bilir.

Hikmət
Ölkə.Az