“Petlim” ilk ticarət gəmisini bu gün qəbul edəcək
Azərbaycan Dövlət Neft Şirkətinin (SOCAR) İzmirin (Türkiyə) Petkim yarımadasının ərazisində inşa etdirdiyi “Petlim” konteyner limanı bu gün ilk gəmini qəbul edəcək.
Ölkə.Az “Report”a istinadən xəbər verir ki, bu barədə “SOCAR Turkey Energy” şirkəti “Twitter” mikrobloqunda məlumat yayıb.
“Petlim”in 1,5 mln. TEU tutumundakı terminalının ilk fazası (800 min TEU-REP.) fəaliyyətə başlayır. “APM Terminals”ın idarəçiliyindəki liman ilk gəmisini qəbul edəcək”, - deyə məlumatda qeyd olunub.
Xatırladaq ki, ötən gün əsas payı SOCAR-a məxsus olan “Petkim Holding” limanın bu həftə əməliyyatlara başlayacağı barədə Türkiyənin İctimaiyyəti Məlumatlandırma Platforması məlumat verib.
