Hökumət üzvlərindən maraqlı addım

Milli Məclisin bu gün keçirilən plenar iclasında Azərbaycanın 2017-ci il üçün dövlət büdcə zərfi müzakirə olunub.

Ölkə.Az-ın məlumatına görə, müzakirələrdə Azərbaycanın baş naziri Artur Rəsizadə və digər hökumət üzvləri iştirak edir.

Təşkil olunan büdcə müzakirəsində maliyyə naziri Samir Şərifov, iqtisadiyyat naziri Şahin Mustafayev, Mərkəzi Bankın İdarə Heyətinin sədri Elman Rüstəmov, Hesablama Palatasının sədri Vüqar Gülməmmədov çıxış ediblər.

Milli Məclisin tribunasından çıxış edən sözügedən şəxslərlə bağlı maraqlı məqam diqqətdən yayınmayıb. Belə ki, müzakirələrdə iştirak edən Samir Şərifov, Şahin Mustafayev, Elman Rüstəmov və Vüqar Gülməmmədov eyni rəngdə - mavi qalstuk taxıblar.

Zaur Əziz
Ölkə.Az