Niko Rosberq Fernando Alonso ilə əvəz ediləcək

"Mercedes" komandası Niko Rosberqi Fernando Alonso ilə əvəz etmək niyyətindədir.

Ölkə.Az xəbər verir ki, komandanın rəhbəri fikrində ciddidir. O, bu barədə deyib: "Fernandonun namizədlik məsələsini müzakirə etməliyik. Mən ona çox hörmətlə yanaşıram. Sürətli, təcrübəli və istedadlı pilotdur. Fernandonun "McLaren" komandası ilə də müqaviləsi var. Bu səbəbdən başqa variantları da nəzərdən keçirməliyik".

"Mercedes"in icraçı direktoru Toto Volff məsələ ilə bağlı deyib: "Hər iki pilotun eyni status və imkanlara sahib olması tərəfimizdən qəbul edilir".

"McLaren Technology Group" komandasının rəhbəri Zak Braun isə ispaniyalı pilotun komandanı tərk etmə ehtimalını normal qarşılayıb: "Bizim Fernando ilə müqaviləmiz var və o, çox xoşbəxtdir. Çox güman ki, Alonso yarışlarda qələbə qazanmaq istəyir. Amma mən bu məsələdən narahat deyiləm".

Hikmət
Ölkə.Az