Donald Tramp asbesti dəstəkləyəcək
Yeni ABŞ prezidenti əmindir ki, antiasbest kampaniyası - mafiya tərəfindən təşkil olunan sui-qəsddir. Bəs bu barədə asbesttərkibli materialların Azərbaycandakı əleyhdarları nə düşünür?
Bu gün cəsarətlə demək olar ki, iddialı və inadcıl milyarder Tramp ABŞ tarixində ən parlaq kampaniyalardan birini həyata keçirib. Onun arsenalında hələ bir neçə ay əvvəl qeyri-standart görünən bir sıra vəd var: miqrantların deportasiyası, cənub sərhədlərdə divarın ucaldılması, xarici siyasət vektorunun Krımın Rusiya ərazisi kimi tanınmasına qədər dəyişməsi, həmçinin asbestin bərpası.
Donald Trampın dəfələrlə səsləndirdiyi bəyanatlarına görə, asbestə qarşı hərəkat dələduzluqdan başqa bir şey deyil. Biznesmen 1997-ci ilin The Art of the Comeback adlı kitabında xəbərdarlıq edir: antiasbest kampaniyası ictimai rəyin formalaşdırılmasına yönəlik bir hiylədir. "Mən hesab edirəm ki, asbestə qarşı hərəkatın təşəbbüskarı mafiyadır, çünki asbestin binalardan çıxarılması ilə cinayətkar aləmlə əlaqəli olan şirkət məşğul olacaq. Siyasətçilərə böyük təzyiq göstərilmiş, onlar da, həmişə olduğu kimi, geri çəkildilər", - deyə yeni seçilmiş Amerika prezidenti yazırdı.
2005 və 2012-ci illərdə Tramp 11 sentyabr terror aktları haqqında bəyanatlarla çıxış etdi. Onun sözlərinə görə 2001-ci ilin sentyabr 11-də terror aktları nəticəsində baş vermiş faciənin miqyası daha az ola bilərdi, yəni əgər Dünya ticarət mərkəzini tikənlər asbesttərkibli odadavamlı müdafiədən imtina etməsəydilər - göydələnlər bu qədər tez dağılmazdı. Qeyd etmək lazımdır ki, bu iddiaların elmi sübutu var. Ətraflı təhlil "Dünya ticarət mərkəzinin fəlakəti: yanğından müdafiə üçün tozlandırma tipi əkiz qüllələrin çökməsi amili idi mi?" adlı məqalədə öz əksini tapıb" ("The World Trade Center Catastrophe: Was the Type of Spray Fire Proofing a Factor in the Collapse of the Twin Towers?"), Indoor Built Environment 2001 məqaləsi; 10.
Antiasbest kampaniyasının tarixi XX əsrin sonlarından başlayır, o vaxt mineral formalarından biri olan amfibol potensial təhlükəli xassələrə malik olduğuna görə qadağan olunmuşdur. Bu "əlverişli" vəziyyətdən faydalanan rəqiblər digər populyar mineral forması - nəzarət altında istifadə zamanı səhhətə təhlükə yaratmayan xrizotil-asbest üzrə məlumat kampaniyasına başlamışlar.
Tramp antiasbest lobbisinin düzlüyünü şübhə altına qoyan birinci adam deyildir. Heç kimə sirr deyil ki, asbestin vurduğu zərərə görə şirkətlərdən təzminatların alınması bir növ biznesə çevrilib (son vaxtlara qədər keçmiş işəgötürəndən pul almaq heç bir sübut göstərmədən mümkün idi). ABŞ məhkəmə təcrübəsinə asbest iddialarının saxtakarlığının üstünün açılması ilə bağlı bir sıra qalmaqallar daxildir.
Həqiqətən də vacib olan şey - asbestin ABŞ ərazisində qadağan olunmamasıdır. Fəalların gurultulu bəyanatlarına baxmayaraq, mineralın onilliklər boyu istifadəsi zamanı onun nəzarət altında istifadəsinin təhlükəli olduğuna dair tutarlı sübutlar aşkarlanmayıb. Bundan əlavə, bu yaxınlarda ABŞ nümayəndələr Palatasında təzminat almaq üçün asbest iddialarını saxtalaşdıran fırıldaqçıların yolunda maneələr yaratmaq məqsədini daşıyan qanun müzakirə olunub.
