Avropa Qaz Konfransında Azərbaycanın əhəmiyyətindən danışıldı

Avropa Qaz Konfransında Azərbaycanın enerji layihələrinin əhəmiyyətindən bəhs edilib

Londonda ənənəvi keçirilən Avropa Qaz Konfransında çıxış edən Azərbaycan Respublikası Dövlət Neft Şirkətinin (SOCAR) Böyük Britaniya nümayəndəliyinin rəhbəri Rüfət Əfəndiyev iştirakçılara Azərbaycan qazının Avropa bazarlarına nəql edilməsi məqsədi daşıyan “Cənub” qaz dəhlizi layihəsi barədə ətraflı məlumat verib. “Şahdəniz-2”, Cənubi Qafqaz Boru Kəmərinin genişləndirilməsi, TANAP və TAP layihələrinin əhəmiyyətindən danışan R.Əfəndiyev gələcəkdə Azərbaycanın Avropanın enerji təhlükəsizliyində daha vacib rol oynayacağına əminliyini ifadə edib, konfrans iştirakçılarının suallarını cavablandırıb.

Konfransda “bp”, “Total”, “ENİ”, “Gazprom”, “BG Group”, eləcə də qitənin digər aparıcı neft və qaz şirkətlərinin, maliyyə və audit qurumlarının nümayəndələri iştirak ediblər.

Bu barədə Dövlət Neft Şirkətinin mətbuat xidmətindən məlumat verilib./Azərtac/

Ölkə.Az