“Türkiyə dar günündə Rusiyanın dəstəyini heç zaman unutmayacaq”
“Rusiya dar gündə Türkiyəyə dəstək oldu. Türkiyə 15 iyul çevrilişə cəhd zamanı ən böyük dəstəklərdən birini də Rusiyadan aldı. Türkiyə bunu heç vaxt unutmayacaq”.
Ölkə.Az xəbər verir ki, bu sözləri Türkiyənin Baş naziri Binəli Yıldırım Rusiyanın “Tass” Agentliyinə müsahibəsində bildirib. Onun sözlərinə görə, Rusiyanın bu addımı iki ölkə arasındakı münasibətlərin müsbətə doğru inkişafına böyük təkan oldu.
“Həmin gün vətəndaşlarımız küçələrə çıxıb dövlətinə dəstək oldu. Həmin gecə 248 vətəndaşımız öldü. FETÖ-dan dəstək alan və ədalətə təslim olmaq istəməyən 36 insan öldürüldü. Həmin dar gündə Türkiyəyə ilk dəstək olan ölkələrdən biri də Rusiya oldu. Türkiyə heç bir zaman bunu unutmayacaq!”, - deyə B.Yıldırım bildirib.
Ziya Səccad
