Suriyada Türk əsgərinə hücum etdilər

"Əl Bab" əməliyyatı zamanı türk əsgərinə hücum edilib.

Ölkə.Az xəbər verir ki, rəsmi Ankaranın "Fırat Kalkanı" əməliyyatları çərçivəsində keçirilən "Əl Bab" əməliyyatında iştirak edən əsgərlərə hücum edilib. Hücum nəticəsində 6 nəfər yaralanıb.

Verilən məlumata görə, yaralanan əsgərlər ərazidən uzaqlaşdırılaraq Kilis və Elbeyli rayonuna aparılıb. Ərazidən təcili tibbi yardım maşınları vasitəsilə yaralı əsgərlər Kilis dövlət xəstəxanasına çatdırılıb. Əsgərlərin vəziyyəti normaldır.

Qeyd edək ki, dünən də eyni ərazidə türk əsgərinə hücum edilmişdi və bir hərbçi şəhid olmuşdu.

Hikmət
Ölkə.Az