1750 cihadçı Avropaya qayıdır

Suriya və İraqda vuruşan 1750 avropalı cihadçı geri qayıdır.

Ölkə.Az xəbər verir ki, Aİ tərəfindən yayımlanan raporta əsasən, Suriya və İraqda vuruşan 5 min avropalı cihadçının üçdə biri Avropaya geri qayıdıb. Raportda 1750 terrorçunun hücum əmri almış ola biləcəyi xəbərdarlığı edilib. 2500 terrorçu isə hələ də münaqişə bölgəsindədir.

Keçən ay Belçika İraq və Suriyada koalisiya qüvvələri tərəfindən təmizlənən bəzi ərazilərdən terrorçuların Avropaya qayıtması barədə xəbər verilmişdi. Aİ terrorla mübarizə koordinatoru Gil de Kerçovun cümə günü Aİ daxili işlər nazirliyinə təqdim edəcəyi raportda 1750 İŞİD-çinin Avropaya qayıtması barədə məlumat var.

Raporta əsasən, terorçuların bir qrupu hücum təşkil etmək üçün Avropaya göndərilib. Geri qayıdan terrorçuların bir qismi həbs edilib, bir qismi nəzarət altındadır və bir qismi də müstəqil yaşamaqda davam edir.

Aİ rəsmisi bildirib ki, Avropaya qayıdan yol Türkiyədən keçir və bu məsələdə rəsmi Ankara ilə əməkdaşlığı gücləndirmək lazımdır.

Hikmət
Ölkə.Az