Avropadan Gürcüstan və Ukraynaya şad xəbər

Avropa İttifaqı Ukrayna və Gürcüstan respublikaları üçün vizasız rejim planı barədə mexanizm hazırlayıb.

Ölkə.Az xəbər verir ki, Avropa İttifaqına üzv ölkələr və Avropa Parlamenti Ukrayna və Gürcüstan vətəndaşları üçün vizasız rejimin tətbiq edilməsi barədə plan hazırlayıblar.

Verilən məlumata görə, Avropa Birliyinə üzv ölkələrin hökumətləri bəzi hallarda vizasız rejimin ləğv edilməsi ilə bağlı şərtləri də müzakirə ediblər. Razılaşma dünən gecə əldə edilib.

Vizasız rejimlə bağlı qərarın nə vaxt qüvvəyə minəcəyi barədə dəqiq tarix göstərilməsə də, rəsmi Kiyev və Tiflis cari ilin sonuna qədər vizanın ləğvinə ümid edirlər.

Qeyd edək ki, Avropa komissiyası Ukrayna və Gürcüstanın vizasız rejim üçün bütün şərtləri yerinə yetirdiyini bəyan etmişdi. Son qərar Brüsseldə veriləcək.

Hikmət
Ölkə.Az