Britaniyada baş nazirin şalvarı qalmaqala səbəb oldu
Britaniyanın baş nazirinin dəri şalvarı bir çox suallara səbəb olub.
Ölkə.Az xəbər verir ki, Britaniyanın baş naziri Tereza Mey qarderobuna görə tənqid hədəfinə çevrilib. Terezanın 1300 dollar dəyərində dəri şalvarı bir çox suallar doğurub.
"Sunday Times" nəşriyyatı üçün fotokameraların qarşısına keçən baş nazirin bahalı dəri şalvarı ölkədə qalmaqal yaradıb. Fotolar mətbuatda dərc edildikdən sonra jurnalistlər baş nazirə "Birləşmiş Krallığın iqtisadiyyatında ciddi çətinliklərin olduğu bir dövrdə belə bahalı şalvar geyinməyi doğru sayırsınız?" sualını ünvanlayıblar.
Mey sualı əsəbi formada cavablandırıb və bildirib ki, dövlətin hər bir vətəndaşın rifahı üçün çalışması onun üçün çox vacibdir.
Bildirilir ki, baş nazirin geyim üslubu təkcə sadə britaniyalılar tərəfindən yox, bir çox yerli siyasətçi tərəfindən də tənqid edilib. Keçmiş təhsil naziri Nikki Morqan bəyan edib ki, heç vaxt qarderobuna bu qədər bahalı paltar almayıb: "Mənim dəri şalvarım yoxdur. Ən bahalı libasım gəlinlik paltarım olub".
Hikmət
Ölkə.Az
