Əfqanıstanda tiryəyi zəfəranla əvəz edirlər

Əfqanıstanda zəfəran istehsalında artım ölkənin aqrar sektorunda ümidləri artırıb.

Ölkə.Az xəbər verir ki, bu, xüsusilə qadınlar üçün yeni iş yerləri və imkanlar vəd edir. Fermerlər vurğulayır ki, hökumət onları zəfəran toxumu ilə təmin etsə, adıçəkilən ədvanın becərilmə sahələri xeyli artacaq.

Əfqanıstanda zəfəranın illik tədarükünün həcmi 4 tona yaxındır. Bu ədva əsasən Fransa, İsveç, Almaniya, Amerika Birləşmiş Ştatları, Çin, Türkiyə, Hindistan və ərəb ölkələrinə ixrac edilir. Dünya Bankının məlumatına əsasən, Herat bölgəsində 6 mindən çox fermer zəfəran yetişdirir. BMT-nin hesabatında isə qeyd edilir ki, Herat və Fərah əyalətlərində tiryəkin becərilməsi xeyli azalıb, adamlar zəfərana üstünlük verirlər.

Zəfəran dünyada ən bahalı ədviyyat bitkisidir. Hazırda onun 1 kiloqramı 1.200 – 1.800 dollara satılır.

Azər Qismət
Ölkə.Az