Limonun 12 faydalı və müalicəvi xüsusiyyəti
Limon əsrlər boyu insanlar tərəfindən müalicəvi xüsusiyyətlərinə görə istifadə edilir. Bu sitrus meyvəsindən kosmetika və ətriyyat sahəsində də istifadə edilir.
Ölkə.Az bu gün oxucuları ilə limonun faydalı və müalicəvi xüsusiyyətlərini bölüşəcək.
1. Limon elektrolit mənbəyidir
Limon kalium, maqnium, natrium, kalsi kimi elektrolitlərlə zəngindir. Belə bir meyvədən ideal idman içkisi hazırlamaq lazımdır. Tərkibində şəkər olan içkilərə pul xərcləməkdənsə, ev şəraitində limondan içki hazırlamaq mümkündür.
40 milliqram limon şirəsini 1 litr suya əlavə edin. Üzərinə 3 xörək qaşığı bal və qaşığın dörddə biri qədər duz tökün.
2. Limon immuniteti gücləndirir
Əgər xəstələndiyinizi hiss edirsinizsə, immuniteti möhkəmləndirmək üçün bir stəkan isti suya limon şirəsi və bal əlavə edərək için.
3. Limon ürəkbulanmasına qarşı yaxşı vasitədir
Səyahət və istirahət zamanı ürəkbulanma yaxşı şey deyil. Əgər əlinizin altında dərman və yaxınlıqda aptek yoxdursa, ağzınıza bir dilim limon qoyun. Bu sizə özünüzü yaxşı hiss etməyə kömək edəcək. Limon ürəkbulanmaya qarşı əla mübarizə vasitəsidir.
4. Limon içkidən sonra xumarlığa qarşı yaxşı vasitədir
Bəzən hansısa toyda və ya məclisdə həddən artıq çox spirtli içki qəbul edirik. Səhər yuxudan ayılanda isə özümüzü pis hiss edirik. Limondan istifadə edin. Limon nəinki ürəkbulanmaya qarşı mübarizə aparır, eyni zamanda orqanizmi elektroitlərlə zənginləşdirir, toksinləri qara ciyərdən çıxarır.
5. Limon mədə köpünə qarşı vasitədir
Mədə köpü müxtəlif səbəblərdən yaranır. Əgər səhər yuxudan ayılanda qarın nahiyəsində narahatlıq hiss edirsinizsə xüsusi reseptlə hazırlanmış içki qəbul edin.
Resept: 4-5 dilim xiyar, dilimlənmiş 0.5 limon, dörddə bir portağal, nanə yarpağının (bir neçə) üzərinə bir litr soyuq su əlavə edin.
6. Limon qara ciyəri təmizləyir
Qara ciyər insan orqanizminin ən vacib orqanlarından biridir. Qara ciyər orqanizmdə yüzdən çox funksiyanın yerinə yetirilməsinə cavab verir. Toksinlər qara ciyərin fəaliyyətinə mane olaraq bir çox prosesi dayandıra bilər. Bu isə sağlamlıq üçün çox təhlükəlidir.
Limonun qabığı D-lemonen maddəsi ilə zəngindir. Bu maddə şlakları və toksinləri orqanizmdən çıxarır.
7. Limon xərçəngdən müdafiə edir
Limon və limon şirəsi güclü təbii antioksidant-C vitamini mənbəyidir. C vitamini orqanizmdə sərbəst radikalların yaranmasının qarşısını alır. Bu sərbəst radikallar çox vaxt xərçəng şişinin yaranmasına səbəb olur.
8. Limon artıq çəki ilə mübarizəyə kömək edir
Gündəlik limondan istifadə və eyni zamanda pəhriz saxlamaq, idman etmək artıq çəkidən qurtulmağa kömək edir. Limon metabolizmi sürətləndirir, orqanizmi enerji ilə təmin edir.
9. Limon orqanizmdə xolesterinin miqdarını azaldır
2013-cü ildə yüksək qan təzyiqindən əziyyət çəkən insanlar üzərində təcrübə aparılıb. Birinci qrupa bir stəkan limon şirəsi, ikinci qrupa alma, üçüncü qrupa isə alma və limon şirəsi veriblər. Nəticədə birinci qrupa daxil edilmiş adamlarda xolesterin miqdarının çox aşağı düşdüyü üzə çıxıb. Alimlər müəyyən ediblər ki, limondan istifadə etmək qanın tərkibində olan xolesterinin miqdarını azaldır.
10. Limon böyrək daşı formalaşmasının qarşısını alır
Limonun tərkibində sitratlar var. Bu isə böyrəklərdə daşın yaranmasının qarşısını alır. Hər gün limonlu su içmək böyrəkdə daş yaranmasının qarşısını alır.
11. Limon astmadan əziyyət çəkənlərə kömək edir
Limonun iltihab əleyhinə xüsusiyyəti astma simptomlarını yüngülləşdirməyə kömək edir. Limon iltihabı zəiflədir, nəfəs yollarını açır. Yeməkdən 1 saat əvvəl 1 xörək qaşığı limon şirəsi qəbul etmək astma simptomlarını yüngülləşdirir.
12. Limon yuxusuzluq və stressə qarşı yaxşı vasitədir
Limondan aromaterapiya vasitəsi kimi istifadə etmək yuxuya və əhval-ruhiyyəyə müsbət təsir edir. Suyu qaynadın, üzərinə limon sıxın və limonun qalıqlarını da suya atın. Sonra məhlulu yanınıza qoyun və nəfəs alın. Limon ətri stress və həyəcan səviyyəsini aşağı salır.
Hikmət
Ölkə.Az
