Dodge yeni Challenger GT modelini təqdim etdi
Amerikanın "Dodge" şirkəti yeni Challenger GT modelini təqdim edib.
Ölkə.Az xəbər verir ki, yeni model tam ötürücülü sistemlə təchiz edilib.
Kapotun altında V6 obrazlı, 3.5 litr həcmli Pentastar mühərriki var. Aqreqat 305 at gücü hasil edir. Mühərrik ZF markalı 8 pilləli avtomat sürətlər qutusu ilə birləşdirilib. Dizayn cəhətdən yeni model arxaötürücülü Challenger V6 modelindən fərqlənmir.
Salonda oturacaqlar "Nappa" markalı dəri ilə üzlənib. 8.4 düymlük informasiya-əyləncə sistemi ilə təchiz edilib.
Challenger GT modeli ABŞ alıcılarına 34.490 dollara təklif ediləcək.
Hikmət
Ölkə.Az
