Azərbaycanda ağır yol qəzası baş verib, icra başçısının köməkçisi ölüb
Goranboyda baş verən ağır yol qəzasında ölənlərin kimlikləri məlum olub.
Ölkə.Az APA-ya istinadən xəbər verir ki, hadisə yerində ölən, "Niva"nın sürücüsü Əliyev Fuad Əli oğludur. Ağır xəsarət alaraq xəstəxanaya aparılan zaman yolda ölənlər isə rayonun Dəliməmmədli qəsəbə sakini, 1986-cı il təvəllüdlü Musayev Elsevər Yusif oğlu və Abbasqulular kənd sakini 1991-ci il təvəllüdlü Kazımov Rəşad Müslüm oğludur.
Qeyd edək ki, "Niva" nın sürücüsü Fuad Əliyev Goranboy rayon İcra hakimiyyəti başçısının köməkçisidir.
***
Ölkə.Az ARB Kəpəz-ə istinadən xəbər verir ki, Goranboyda ağır yol qəzası baş verib. Hadisə rayonun Qarqucaq kəndi yaxınlığından keçən avtomobil yolunda qeydə alınıb.
“NİVA” və “VAZ 21011” markalı avtomobillər toqquşub. “Niva”nın sürücüsü hadisə yerində ölüb. Avtomobildə olan digər sərnişin və “VAZ- 21011” də olan bir nəfər ağır vəziyyətdə xəstəxanaya aparılarkən yolda ölüblər.
